Porno gutxiago eta larrutan gehiago

Kaixomaitia.eus | Beñat Garaio Mendizabal @BGaraio 

Doinua: habanera

“Porno gutxiago eta larrutan gehiago”

Porno kontsumo datuak

atera ziren behinola

mutiletan 7tik sei

ezin da izan inola

guretzat txarren den gisa

droga edota alkohola

porno eredu nagusiak

kendu eiten digu kontrola

Gasteizen sortu egin zuten

hortako Porno Eskola

nahiz ta bortxaz itxi behar

izan zen harranopola

beti da kontu berdina

genero ororen rola

berdintasunak ere du

sexu kontutan axola

*****

Ordenagailua piztuta

zure aurrean bakarrik

ba omen duzu zuk ere

fantasiaren beharrik

aste honetan bosgarren

aldia duzu jadanik

bikotea iristean

jada ez duzu gogorik

errealitate bikoitza

bizi duzu horregatik

gezurrak berotzen zaitu

ta egiak izoztu kasik

txispa agortu omen zaizu

ez dago irtenbiderik

ez harritu gero ohean

ez badago suziririk

*****

Ametsekin alaitzea

izango al da nahikoa

gaur eguna ezin bizi

pertsonak dun oztopoa

harremanak gozatu eta

zuk zeuk emaiezu hauspoa

sexua izan baitaiteke

gauza handi eder askoa

lehentasunak argi izan

bete olio fraskoa

fantasiekin batera

gogoa ere hara doa

ohean duzun pertsona

ez da ez nolanahikoa

porno onena izaten da

zuk zeuk gozatutakoa

argibidea