-1-

Dama polita zera,

polita guztiz, ai

baina hala ere zaude

oraindik ezkongai

ezkon gaitezen biok

esan zaidazu “bai”

-Ni zurekin ezkondu?

Ni zurekin jai-jai!

Aspaldi pasatu zen

Loiolako trena

koadrilan beti nintzen

ligatzen azkena;

bakarrik itxi nitun

hamaika taberna

eta “Kaixomaitia“-n

eman nun izena.

-3-

“Bilintx 31”

Ipini nun nick-a

gorputz zoragarria

neukala jarrita

“atsegin dut” guztiei

eman nien ti-ta

ta zain geratu nintzen

nork emango klika.

-4-

Mezu bat jaso nuen,

ze poz, ze suziri

gustatu omen nintzaion

“Joxepanttoni“-ri

-Hartuko al ditugu

zurito txiki bi?

-Ardo beltza gehiago

gustatzen zait niri.

-5-

-Zurekin gelditzeko

badaukat denbora

gure artean zerbait

posible da lora

ez nazazu eraman

arren edonora…

-Bekatuentzat leku

ona da Pandora.

-6-

Behin batian Pandoran

ostegun gaua zan

Joxepanttoni zegon

jainkosaren trazan

ardoa utzi eta

hasi ginen dantzan

ta esan zidan “Bilintx,

gehio estutu nazan“.

-7-

Bere etxera joateko

ze nolako presa!

“Flipatu egingo dun“

egin zun promesa;

etxera heldu eta

han zegon Vanessa;

parte hartu nahi zuen

hori zen sorpresa!

-8-

“Zer egiten dut hemen“

zen nire galdera

-Zuk Vanessa zeneukan

zurekin batera

ta nik nire laguna

nahi nuke atera:

“Satisfyer”-arekin

lau izango gera.