Irati Goikoetxea Asurabarrena beasaindarra izan da bigarrena “Inspirazio basa” izeneko testuarekin eta Ernesto Prat Urzainki berrioztarra sailkatu da hirugarren, “Bihotza lapurtu zidan panpayruna” kontaketarekin.
Larunbatean, apirilaren bigarrenarekin ospatu da, elkar argitaletxeak Donostian duen dendan, “Kaixomaitia.eus Kontaketa Erotikoen II Lehiaketa”ren sari banaketa ekitaldia.
8 testu finalisten artean honela ebatzi dituzte Antxiñe Mendizabal (elkar argitaletxeko editorea), Dorleta Kortazar (ipuin kontalaria) eta Iñigo Arandia (Kaixomaitia.eus eko arduraduna) epaimahaikideek 3 irabazleak eta 4-8 arteko postuen behin betiko sailkapena:
1. Ostera, Oihana Iguaran
2. Inspirazio basa, Irati Goikoetxea
3. Bihotza lapurtu zidan Panpayruna, Ernesto Prat
4. Vänköpingeko sauna, Mikel Casuso
5. Azalera, Oihana Iguaran
6. Esnatu, Maialen Lizarralde
7. Itzulera, Haizea Muñoa
8. Gorria, La Perlata Punk Rock
Lehen hiru sailkatuek 1000€, 500€ eta 250€ ko sari ekonomikoak, 100€ko Elkar opari txartela eta liburu sorta jaso dituzte hurrenez hurren, gainerako sailkatuek berriz, 100€ko opari txartela eta liburu sorta.
Oihana Iguaranek bi testu aurkeztu zituen eta biek egin dute finalerako bidea, Ostera kontaketa izan delarik lehen saria eraman duena. Haur bat izan berri duen bikote bat da une berezi horretako «sexualitatearen geruza berriak» indar eta dotorezia handiz kontatzen dituen narrazioko protagonista. Zoritxarrez, Oihana ezin izan da Donostiara bertaratu Bilbon aurrez zuen konpromiso bat zela eta. Antolakuntzak jakinarazi dio jada ebazpenaren berri eta datorren astean zehar helaraziko dio saria.
Antxiñe Mendizabal editorea izan da irabazlearen berri eman duena, bideo honetan ikus daiteken modura:
Bigarren saria berriz, Irati Goikoetxeak jaso du, Inspirazio basa izeneko kontaketarengatik. Hemen Iratik egindako hitzalditxoa saria jaso duenean:
Ernesto Prat Urzainki Berriozartarra izan da hirugarren sailkatua “Bihotza lapurtu zidan panpayruna” kontaketarekin. Hemen bere eskertza hitzaldia saria jaso duenean:
Kaixomaitia.eus ek eskerrak eman nahi dizkie lehiaketa honetan parte hartu duten idazle guztiei, epaimahaikide izan diren Antxiñe eta Dorletari eta elkar argitaletxeari sustapen eta ekoizpen lanetan bidelagun izateagatik.
Kaixomaitia.eus